لنڊن ۾ بلاول جي صدر آصف زرداري سان ملاقات، سنڌ جي ورهاست تي پيپلز پارٽي جي موقف تي ڄميل رهڻ جو فيصلو
لنڊن: لنڊن ۾ پيپلز پارٽي جي چيئرمين بلاول ڀٽو زرداري جي پنهنجي والد، آصف علي زرداري سان اهم ملاقات ٿي جنهن ۾ سنڌ جي ورهاست تي پيپلز پارٽي جي موقف تي ڄميل رهڻ جو فيصلو ڪيو ويو آهي. ملاقات لنڊن ۾ آصف زرداري جي رهائشگاهه تي ٿي جنهن ۾ بختاور ڀٽو زرداري به شريڪ هئي.
ذريعن جو چوڻ آهي ته ملاقات 5 ڪلاڪن تائين جاري رهي، بلاول ڀٽو جي صدر آصف زرداري سان پاڪستان جي صورتحال تي به ڳالهيون ٿيون.
ذريعن موجب ملاقات ۾ سنڌ جي ورهاست تي پيپلز پارٽي جي موقف تي ڄميل رهڻ جو فيصلو ڪيو ويو جڏهن ته ملاقات ۾ فريال ٽالپر جي تقرير به بحث هيٺ آئي. ملاقات کان پوءِ بلاول ۽ بختاور ڀٽو زرداري پنهنجي رهائشگاهه ڏانهن روانا ٿي ويا. انهي موقعي تي بلاول ڀٽو زرداري چيو ته ايندڙ ڪجهه ڏينهن تائين لنڊن ۾ رهائش اختيار ڪندس.
تبصرے بند ہیں۔