اسلام آباد: پاڪستان ۽ عالمي بينڪ ترقياتي تعاون کي مضبوط ڪرڻ تي متفق ٿيا آهن.وزارت خزاني جي هڪ بيان موجب، عالمي بينڪ جي ڪنٽري ڊائريڪٽر ناڻي واري وزير سينيٽر محمد اورنگزيب سان ملاقات ڪئي، جنهن ۾ عالمي بينڪ پاڪستان کي ان جي استحڪام ۽ موسمياتي مقصدن لاءِ پنهنجي حمايت جو يقين ڏياريو.اجلاس ۾ ملڪي پارٽنرشپ فريم ورڪ تحت سڌارن جي ترجيحن تي تفصيلي بحث ڪيو ويو.وزارت خزاني جي مطابق، انساني سرمايو، آبادي، موسمياتي تبديلي ۽ زراعت جا شعبا غور هيٺ آيا. ناڻي واري وزير محمد اورنگزيب سي پي ايف جي اثرائتي عملدرآمد تي زور ڏنو. وفاق ۽ صوبن جي وچ ۾ مضبوط هم آهنگي جي ضرورت تي به زور ڏنو ويو. پاليسي سازي ۽ عملدرآمد ۾ وفاقي وزارتن جي اثرائتي شموليت تي به بحث ڪيو ويو.بيان ۾ چيو ويو آهي ته منصوبن ۾ شفافيت ۽ نگراني جي طريقيڪار کي بهتر بڻائڻ تي اتفاق ڪيو ويو، ۽ زراعت ۾ پيداوار ۽ قدر جي زنجيرن کي بهتر بڻائڻ تي بحث ڪيو ويو.وزير خزانه خانگي شعبي جي شموليت ۽ زرعي فنانس تائين رسائي وڌائڻ جي ضرورت تي زور ڏنو. عالمي بينڪ ۽ آءِ ايف سي جي زرعي سڌارن جي حمايت کي يقيني بڻايو ويو. اجلاس ۾ توانائي شعبي جي سڌارن ۽ مالي استحڪام تي بحث ڪيو ويو.ملاقات دوران، پاڪستان ۽ عالمي بينڪ ٽيڪنيڪل سطح تي ڳالهيون جاري رکڻ تي اتفاق ڪيو، ۽ عالمي بينڪ پاڪستان جي پائيداري ۽ موسمياتي مقصدن لاءِ پنهنجي حمايت جو يقين ڏياريو.ناڻي واري وزارت جي مطابق، حڪومت ڍانچي سڌارن ۽ گورننس کي بهتر بڻائڻ جي پنهنجي عزم کي ورجايو.
تبصرے بند ہیں۔