سنڌ ۽ بلوچستان جي مختلف علائقن ۾ زلزلي جا جهٽڪا

ڪراچي : سنڌ ۽ بلوچستان جي مختلف علائقن ۾ زلزلي جا جهٽڪا محسوس ڪيا ويا.زلزلي جي مرڪز موجب، خضدار ۽ ان جي آس پاس وارن علائقن ۾ هڪ کان وڌيڪ ڀيرا زلزلي جا جهٽڪا محسوس ڪيا ويا، جن جي شدت 5.6 رڪارڊ ڪئي وئي. زلزلي جو مرڪز خضدار کان 86 ڪلوميٽر اتر اوڀر ۾ هو.خضدار ۾ صبح 10:52 ۽ 11:30 تي زلزلي جا جهٽڪا محسوس ڪيا ويا.ان کان علاوه، نصير آباد، گنداواه، سبي، ڪڇي، نصير آباد، جهل مگسي ۽ ان جي آس پاس وارن علائقن ۾ به زلزلي جا جهٽڪا محسوس ڪيا ويا.ان کان علاوه، سنڌ صوبي ۾ سکر، جيڪب آباد، دادو، ميهڙ ۽ آس پاس وارن علائقن ۾ به زلزلي جا جهٽڪا محسوس ڪيا ويا.زلزلي جي جهٽڪن سبب ڪنهن به جاني يا مالي نقصان جي ڪا به رپورٽ نه ملي آهي.