اسلام آباد: پاڪستان ۾ پهرين ڊسمبر 2025 کان ايندڙ 15 ڏينهن تائين پيٽروليم شين جي قيمتن ۾ نمايان گهٽتائي جو امڪان آهي.صنعت ۽ سرڪاري ذريعن موجب، پهرين ڊسمبر کان 6.35 رپيا في ليٽر تائين گهٽتائي جو امڪان آهي.متوقع رليف عالمي سپلاءِ ۾ واڌ کي منسوب ڪيو پيو وڃي، جيڪو ڪويت جي الزور ريفائنري جي ڪيترن ئي يونٽن جي بحالي کان پوءِ ممڪن ٿيو آهي، جيڪو خليج جي علائقي ۾ سڀ کان وڏي ريفائننگ ڪمپليڪس مان هڪ آهي.13 ڏينهن جي ڊيٽا تي ٻڌل ابتدائي حسابن موجب، پيٽرول جي قيمت ۾ 3.70 رپيا في ليٽر گهٽتائي جو امڪان آهي، جنهن کان پوءِ پيٽرول جي في ليٽر قيمت 265.45 رپين کان گهٽجي 261.75 رپيا في ليٽر ٿي سگهي ٿي.ٻئي طرف، هاءِ اسپيڊ ڊيزل جي قيمت ۾ 4.28 رپيا في ليٽر گهٽتائي جو امڪان آهي، جنهن کان پوءِ قيمت 284.44 رپين کان گهٽجي تقريبن 280.16 رپيا في ليٽر ٿي سگهي ٿي.مٽيءَ جي تيل جي قيمت ۾ ٿوري گهٽتائي جو امڪان آهي، يعني 0.73 رپين جي گهٽتائي کان پوءِ، مٽيءَ جي تيل جي قيمت 194.34 رپين کان گهٽجي 193.61 رپيا في ليٽر ٿي سگهي ٿي.ذريعن موجب، هلڪو ڊيزل آئل جي قيمت ۾ سڀ کان وڌيڪ گهٽتائي جو امڪان آهي، 6.35 رپيا في ليٽر جي گهٽتائي کان پوءِ، ان جي قيمت 170.80 رپين کان گهٽجي 164.45 رپيا في ليٽر ٿي ويندي.
تبصرے بند ہیں۔