صدر آصف زرداري ۽ وزيراعظم شهباز شريف طرفان دهشتگردن خلاف ڪارروائين تي سيڪيورٽي فورسز کي خراج تحسين پيش

اسلام آباد: صدر آصف علي زرداري ۽ وزيراعظم شهباز شريف باجوڙ ۽ بنون ۾ دهشتگردن جي خلاف ڪامياب ڪارروائين تي سيڪيورٽي فورسز کي خراج تحسين پيش ڪيو آهي.

صدر آصف علي زرداري فتنته الخوارج جي 23 دهشتگردن جي مارجي وڃڻ تي سيڪيورٽي فورسز  جي موثر حڪمت عملي قرار ڏنو. هن چيو ته باجوڙ ۾ خوارج اڳواڻ سميت ڪيترن ئي دهشتگردن جو مارجي وڃڻ امن دشمن عناصرن جي لاءِ واضح پيغام آهي، پاڪستان جي زمين تي پرڏيهي پٺڀرائي ۾ سرگرم دهشتگردن جي هاڻ ڪابه گنجائش نه آهي.

وفاقي گهرو وزير محسن نقوي به ڀارتي اسپانسرڊ دهشتگردن جي خلاف ڪامياب آپريشن تي سيڪيورٽي فورسز کي خراج تحسين پيش ڪيو.

سنڌ جي گورنر ڪامران ٽيسوري چيو ته باجوڙ ۾ اهم اڳواڻ سميت ڪيترن ئي دهشتگردن جو مارجي وڃڻ امن دشمنن جي لاءِ ٻن لفظن ۾ پيغام آهي ته سيڪيورٽي فورسز جون وقت تي ڪارروايون ملڪ ۾ دير تائين امن جي قيام لاءِ رياستي ارادن کي ظاهر ڪن ٿيون.