نگران وزيراعظم انوار الحق ڪاڪڙ بجلي مهانگي ٿيڻ خلاف زبردست عوامي احتجاج بعد هنگامي اجلاس سڏائي ورتو، نگران وزيراعظم پاران اڄ ڪوٺايل اجلاس ۾ بجليءَ جي اگهن ۽ واهپيدارن کي ملندڙ ڳرن بلن بابت غور ويچار ڪيو ويندو
وزيراعظم پاڻي ۽ بجلي واري وزارت ۽ بجلي جي ورڇ ڪندڙ ڪمپنيز کي تفصيلي بريفنگ ڏيڻ جي هدايت ڪري ڇڏي، اجلاس ۾ واهپيدارن کي بجلي جي بلن جي حوالي سان وڌ کان وڌ رليف ڏيڻ بابت مشاورت ڪئي ويندي
پنجاب، آزاد ڪشمير ۽ وزيرستان سميت مختلف علائقن ۾ شهرين جي احتجاج ۽ بجليءَ جي بلن کي باهيون ڏيڻ جي واقعن بعد وزيراعظم نوٽيس ورتو، سکر ۾ به گذريل ڏينهن احتجاجي مظاهري دوران شهرين پاران بجليءَ جي بلن کي باهيون ڏنيون ويون
شهرين جو چوڻ آهي ته 2 پکا ۽ هڪ سيور استعمال ڪرڻ تي به 16 هزار روپيا بل ڇو پيو اچي؟ ماڻهو خودڪشيون ڪري رهيا آهن، ٽي وي ٽيڪس به بجلي بلن ۾ ورتو پيو وڃي، ماڻهو ٽي وي استعمال ئي نٿا ڪن ته بجلي ڇو ڏين