لاهور: لاهور جي برڪي روڊ تي گهر ۾ گيس جي ڌماڪي سبب 4 ڄڻا حياتيون وڃائي ويٺا جڏهن ته 12 سخت زخمي ٿي پيا آهن.
ريسڪيو ذريعن موجب لاهور جي برڪي روڊ تي واقع پنگالي ڳوٺ جي هڪ گهر ۾ گيس ڀرجي وئي ۽ جيئن ئي ڪنهن باهه ٻارڻ جي ڪوشش ڪئي ته اوچتو زوردار ڌماڪو ٿيو جنهن سبب گهر پٽ پئجي ويو.
واقعي جي اطلاع ملندي ئي ريسڪيو اهلڪار موقعي تي پهچي ويا ۽ ملبي هٺيان دٻيل چئن ڄڻن جا لاش ڪيا ويا جن جي سڃاڻپ هارون، شيري، علي ۽ انوش جي نالي سان ٿي جڏهن ته واقعي ۾ زخمي 12 ڄڻن کي فوري طور تي طبي امداد جي لاءِ اسپتال منتقل ڪيو ويو.