ڪراچي: ڏکايل انسانن جي مسيحا ايڌي فائونڊيشن انٽرنيشنل جي باني عبدالستار ايڌي جي وڇوڙي کي چار سال گذري ويا.
عبدالستار ايڌي زندگي ۾ ڪيترن ئي چيلنجن کي منهن ڏنو پر ان جي صاف نيت ۽ مستقل مزاجي کيس هر ميدان ۾ ڪاميابي ڏياري. عبدالستار ايڌي 1928ع تي ڀارت جي رياست گجرات جي شهر بانٽوا ۾ پيدا ٿيو هو. پاڪستان جي آزاد ٿيڻ کان پوءِ ڪراچي ۾ رهائش اختيار ڪندڙ عبدالستار ايڌي 1951ع ۾ هڪ ننڍي ڪمري ۾ ڏکايل انسانن جي خدمت جي شروعات ڪئي هئي.
عبدالستار ايڌي پاران ايڌي فائونڊيشن جي بنياد رکي ته لاوارث ٻارن ۽ بي سهارا عورتن ۽ بزرگن کي سهارو ملي ويو. ايڌي جي ايمبولينس سروس وڏي سانحن کان وٺي ننڍن حادثن تائين انساني خدمت جون جيڪي مثالون پيش ڪيون اهي هميشه ياد رکيون وينديون. اسپتال ۽ ايمبولينس کان علاوه ايڌي فائونڊيشن ڪلينڪ، ويم گهر، چرين جي اسپتال، معذورن جي لاءِ گهر، بلڊ بينڪ، يتيمن جي لاءِ رهائشگاهه، کان علاوه اسڪول به کوليا.
1997ع ۾ گنيز بڪ آف ورلڊ رڪارڊ موجب ايڌي فائونڊيشن جي ايمبولينس سروس دنيا جي سڀني کان وڏي فلاحي ايمبولينس سروس آهي. عبدالستار ايڌي 8 جولاءِ 2016ع تي لاڏاڻو ڪري ويو ته ايڌي وليج ۾ بيٺل لاوارث ٻارن جي زبان تي صرف هڪ ئي آواز هئي ته اسان هڪ دفعو ٻيهر يتيم ٿي وياسين