اسلام آباد: محرم الحرام دوران سيڪيورٽي ۽ ٻين انتظامن بابت گهرو وزير محسن نقوي جي صدارت هيٺ هڪ اجلاس ٿيو، جلوسن ۽ اجتماعن جي داخلا ۽ نڪرڻ وارن رستن جي سخت چيڪنگ جو حڪم ڏنو آهي.
اجلاس ۾ گهرو وزير مملڪتي وزير طلال چوڌري، ايڊيشنل سيڪريٽري گهرو، ڊپٽي ڪمشنر اسلام آباد ۽ ٻيا شرڪت ڪئي.
ان موقعي تي ڳالهائيندي محسن نقوي چيو ته اشتعال انگيز مواد خلاف صفر رواداري هوندي ۽ سوشل ميڊيا جي سخت نگراني ڪئي ويندي، ۽ جلوسن ۽ اجتماعن جي نگراني لاءِ جديد ٽيڪنالاجي استعمال ڪئي ويندي.
هن چيو ته ڊيوٽي تي مقرر اهلڪارن جي کاڌي پيتي جي انتظامن جو خاص خيال رکيو وڃي، ۽ ملڪ دشمن عنصرن جي ناپاڪ ارادن کي ناڪام بڻائڻ لاءِ فول پروف سيڪيورٽي يقيني بڻائي وڃي.
وفاقي وزير چيو ته امن امان برقرار رکڻ لاءِ سڀني مڪتب فڪر جي عالمن سان ويجهو رابطو رکيو وڃي ۽ ضابطه اخلاق تي عمل يقيني بڻايو وڃي.
گهرو وزير سماج جي سڀني طبقن کي اپيل ڪئي ته محرم دوران فرقه وارانه هم آهنگي کي يقيني بڻايو وڃي، بريفنگ ۾ ٻڌايو ويو ته محرم دوران اسلام آباد ۾ 181 جلوس ۽ 965 اجتماع منعقد ڪيا ويندا.