راولپنڊي : سيڪيورٽي فورسز انٽيليجنس جي بنياد تي بلوچستان جي ڪيچ ضلعي جي بليدا علائقي ۾ ڪارروائي ڪندي ٻن دهشتگردن کي ماري ڇڏيو.پاڪ فوج جي انٽر سروسز پبلڪ رليشنز (آءِ ايس پي آر) موجب، آپريشن دهشتگردن جي موجودگي بابت ڄاڻ جي بنياد تي ڪيو ويو. سيڪيورٽي فورسز دهشتگردن جي ٺڪاڻن کي اثرائتي انداز ۾ نشانو بڻايو. آءِ ايس پي آر چيو ته سخت فائرنگ جي تبادلي کانپوءِ ٻه دهشتگرد مارجي ويا. مارجي ويل دهشتگرد قانون لاڳو ڪندڙ ادارن ۽ بيگناهه شهرين تي ڪيترن ئي دهشتگرد حملن ۾ ملوث هئا.آءِ ايس پي آر جو چوڻ آهي ته علائقي ۾ وڌيڪ دهشتگردن جي موجودگي کي نظر ۾ رکندي ڪليئرنس آپريشن جاري آهي.آءِ ايس پي آر چيو ته سيڪيورٽي فورسز قوم سان گڏ بلوچستان جي امن، استحڪام ۽ ترقي خلاف سڀني سازشن کي ناڪام بڻائڻ لاءِ پرعزم آهن.