ڪراچي: سنڌ جي صحت واري وزير ڊاڪٽر عذرا فضل پيچوهو چيو آهي ته ٻوڏ ۾ انفرا اسٽرڪچر ۽ صحت جو نظام تباهه ٿي ويو، اسپتالن سوڌو 100 کان وڌيڪ صحت جون سهولتون ٻڏي ويون
صحت جي وزير پريس ڪانفرنس دوران لکين ماڻهن تائين صحت جون سهولتون نه پهچڻ جو اعتراف ڪيو ويو آهي
ڊاڪٽر عذرا فضل پيچوهو چيو ته ٻوڏ سبب صحت کاتي جون جون ٽيمون فيلڊ تي گهٽ ويون آهن، ڏورانهن علائقن تائين پهچ ۾ 16-16 ڪلاڪ لڳي وڃن ٿا
هن چيو ته ٻوڏ متاثر عورتن ۾ هڪ لک کان وڌيڪ ڳورهاريون آهن، بلوچستان مان ايندڙ ٻوڏ جي وهڪرن ۾ مئل جانورن جي ڪري ڪانگو وائرس وڌڻ جو خطرو آهي
صحت واري وزير چيو ته هن وقت ساهه جي تڪليف، نانگ بلائن جي ڪکڻ، ڊينگي ۽ مليريا جا ڪيس رپورٽ ٿي رهيا آهن