ڪراچي: والاريل ڪشمير ۾ ڀارتي فوج جي ظلمن کي سڄي دنيا آڏو وائکو ڪرڻ واري ڪشمير جي بهادرعورت صحافي مسرت زهرا کي اعلٰي ترين صحافتي ايوارڊ پيٽر ميڪلر سان نوازيو ويو .
خيال رهي ته پيٽر ميڪلر ايوارڊ جو قيام 2008 ۾ آندو ويو هو ۽ مسرت زهرا سميت اهو ايوارڊ سڄي دنيا جي رڳو 12 صحافين کي ڏنو ويو آهي .
گذريل مهيني آگسٽ ۾ ڪشمير وادي جي بهادر فوٽو جرنلسٽ مسرت زهرا کي صحافين جي عالمي تنظيم رپورٽر ود آئوٽ بارڊرز ۽ فرانسيسي خابرو ايجنسي فرانس پريس (اي ايف پي ) جي سهڪار سان هلندڙ تنظيم گلوبل ميڊيا فورم ٽريننگ گروپ ( جي ايم ايف ٽِي جي ) ايوارڊ ڏيڻ جو اعلان ڪيو هو .
عالمي تنظيم پيٽر ميڪلر ايوارڊ هرسال نمايان مسئلن جي ڪوريج ڪندڙ صحافين کي ڏيندي آهي .