ڪراچي: عالمي وبا قرار ڏنل ڪورونا وائرس جو شڪار ٿيڻ کان پوءِ پاڻ کي گهرن ۾ ئي قرنطينه ڪندڙ ماڻهن مان 328 ڄڻا فوت ٿي ويا آهن.
رپورٽ موجب صوبائي صحت کاتي ان حوالي سان ٻڌايو آهي ته ڪراچي سميت سڄي سنڌ ۾ ڪورونا وگهي فوت ٿي ويلن جو انگ 1406 ٿي ويو آهي.
صوبائي صحت کاتي طرفان جاري ڪيل انگن اکرن موجب ڪورونا وائرس سبب سڀني کان وڌيڪ فوتگيون جناح اسپتال ۾ ٿيون آهن جن جو انگ 171 آهي.
سنڌ جي صحت کاتي ان حوالي سان ٻڌايو آهي ته ڪورونا وائرس سبب متاثر 131 مريض سول اسپتال ۾ فوت ٿيا.
سنڌ جي صحت کاتي طرفان جاري ڪيل انگن اکرن موجب ايس آءِ يو ٽي ۾ 122، ڊائو اسپتال ۾ 113، انڊس اسپتال ۾ 107، آغا خان اسپتال ۾ 94 ۽ ضياءُالدين اسپتال ۾ 87 ڄڻا ڪورونا وائرس وگهي علاج دوران هن فاني دنيا مان لاڏاڻو ڪري ويا