لاهور: مسلم ليگ ق جي اڳواڻ پرويز الاهي پنجاب جي وڏي وزير جي عهدي جو قسم کڻي ورتو آهي . پنجاب جي گورنر پاران قسم کڻائڻ کان انڪار کانپوءِ صدر مملڪت عارف حسين علوي چوڌري پرويز الاهي کان سندس عهدي جو قسم کڻايو .
ان کان اڳ چوڌري پرويز الاهي قسم کڻائڻ واري تقريب لاءِ خاص جهاز وسيلي لاهور کان اسلام آباد پهتو هو .
خيال رهي ته سپريم ڪورٽ ڊپٽي اسپيڪر رولنگ ڪيس ۾ پرويز الاهي جي درخواست منظور ڪندي پنجاب اسيمبلي جي ڊپٽي اسپيڪر دوست محمد مزاري جي رولنگ ڪالعدم قرار ڏني هئي .
سپريم ڪورٽ پرويز الاهي کي پنجاب جو وڏو وزير قرار ڏنو ۽ گورنر پنجاب کي گذريل رات ئي کانئس قسم کڻائڻ جو حڪم ڏنو هو ، گورنر پنجاب جي معذرت کانپوءِ صدر مملڪت ان کان قسم کڻايو .