ڪراچي: ڪورنگي ۾ مهراڻ ٽائون فيڪٽري واقعي ۾ بلڊنگ ڪنٽرول اٿارٽي جا 3 ملازم معطل ڪيا ويا آهن. ملازمن کي غير قانوني فيڪٽري بابت ڄاڻ نه ڏيڻ تي معطل ڪيو ويو.
معطل ڪيل ملازمن ۾ اسسٽنٽ ڊائريڪٽر ، سينئر بلڊنگ انسپيڪٽر ۽ بلڊنگ انسپيڪٽر ڪورنگي شامل آهن. فيڪٽري حادثي ۾ بي سي اي ملازمن جي ڪردار جو تعين ڪرڻ لاءِ 3 سينيئر ڊائريڪٽرن تي مشتمل هڪ ڪميٽي ٺاهي وئي آهي.
ڪميٽي منظور ٿيل بلڊنگ پلان ۽ بلڊنگ جو معائنو ڪندي ۽ ڏوهارين جو تعين ڪندي ۽ 7 ڏينهن ۾ انڪوائري رپورٽ ڊائريڪٽر جنرل کي پيش ڪندي.