انقرا: ترڪي ۾ شادي جي خوشي ۾ ڪيل فائرنگ جي نتيجي ۾ گهوٽ مارجي ويو.
پرڏيهي ميڊيا موجب شادي تقريب کانپوءِ گهوٽ ۽ ڪنوار واپس گهر وڃي رهيا هئا ته 23 ورهين جو گهوٽ، جنهن جي سڃاڻپ علي جي نالي سان ٿي، فائرنگ ۾ مارجي ويو، مبينا طور اها فائرنگ ڪنوار جي هڪ مائٽياڻي ڪئي.
سيڪيورٽي فورسز 47 ورهين جي عورت کي حراست ۾ وٺي ڇڏيو ۽ سندس قبضي مان ٻه غير لائسنس يافتا پسٽل برآمد ٿيا آهن.
واقعي جي جاچ لاءِ پراسيڪيوشن انڪوائري شروع ڪري ڇڏي آهي.
واضح رهي ته ترڪي جي اتر ۾ بحيره اسود جي علائقي ۾ شادين جي موقعي تي خوشي ۾ فائرنگ جو عام رواج آهي.