جيتوڻيڪ ٿوم جو استعمال روز جي کاڌن ۾ عام آهي پر اسان ان جي فائدن کان اڻ واقف آهيون، ٿوم جو مختلف طريقن سان استعمال انسان جي صحت لاءِ انتهائي فائديمند آهي.
صبح جو نيراني ٿوم کائجي ته پيٽ ۾ موجود بيڪٽيريا ان جي اثرن کان نٿا بچي سگهن ۽ مري ويندا آهن، جنهن سبب انسان مختلف بيمارين کان محفوظ رهندو آهي.
خالي پيٽ ٿوم کائڻ سان انساني جسم ۾ مدافعتي نظام بهتر ٿيندو آهي ۽ انساني جسم بيمارين جو تيزيءَ سان مقابلو ڪندو آهي، توهان جي غذا ۾ اينٽي آڪسيڊنٽ سان ڀرپور ٿوم جي شموليت جسم جي دفاعي نظام کي فائدو پهچائي ٿي.
عام طور تي ماڻهو کنگهه ۽ زڪام سان متاثر هوندا آهن، ٿوم هڪ قدرتي اينٽي بائيوٽڪ آهي، جنهن جي استعمال سان کنگهه ۽ زڪام کان محفوظ رهي سگهجي ٿو.
ٿوم رت کي شِٽو ڪندي آهي ۽ رت جي نظام کي بهتر بڻائيندي آهي، ان جو مسلسل استعمال توهان کي هاءِ بلڊ پريشر کان بچائي ٿو.