اسلام آباد :اڳوڻي وزيراعظم نواز شريف اشتهاري ڏوهاري قرار ڏيڻ واري احتساب عدالت جي فيصلي خلاف درخواست واپس وٺي ڇڏي، اسلام آباد هاءِ ڪورٽ ۾ ٻڌڻي دوران چيف جسٽس اطهر من الله پڇيو ته نواز شريف جي ضمانت واري اسٽيٽس جا تفصيل ڪٿي آهن؟ اڳوڻي وزيراعظم جي وڪيل جهانگير جدون عدالت آڏو تفصيل ڏيڻ بنا چيو ته کين هدايت ڪئي وئي آهي ته اشتهاري قرار ڏيڻ واري فيصلي خلاف داخل درخواست واپس ورتي وڃي، عدالت نواز شريف جي درخواست واپس وٺڻ واري استدعا منظور ڪري ورتي آهي.