ڪابل : افغانستان ۾ هڪ طاقتور زلزلي ۾ گهٽ ۾ گهٽ 622 ماڻهو مارجي ويا ۽ 1,000 کان وڌيڪ زخمي ٿيا آهن.افغان وزارت اطلاعات تصديق ڪئي ته افغان صوبي ڪنڙ ۾ زلزلي ۾ 622 ماڻهو مارجي ويا ۽ 1,000 کان وڌيڪ زخمي ٿيا آهن.افغان نيوز ايجنسي خاما پريس جي هڪ رپورٽ موجب، زلزلو مقامي وقت مطابق رات 11:47 تي آيو.آمريڪي جيولوجيڪل سروي موجب، گذريل رات افغانستان ۾ آيل زلزلي جي شدت 6 رڪارڊ ڪئي وئي، جنهن جي کوٽائي 8 ڪلوميٽر هئي. زلزلي جو مرڪز ننگرهار صوبي جي شهر جلال آباد کان 27 ڪلوميٽر اوڀر ۾ هو.افغان ميڊيا موجب، ڪنڙ صوبي ۾ سڀ کان وڌيڪ متاثر ٿيل ضلعا نور گل، سڪي، وات پور، منوگي ۽ چاپا دره آهن. ننگرهار ۾ گهٽ ۾ گهٽ 9 ماڻهن جي فوت ٿيڻ ۽ درجنين زخمي ٿيڻ جي تصديق ڪئي وئي آهي.افغان طالبان جي ترجمان ذبيح الله مجاهد سوشل ميڊيا تي هڪ پيغام ۾ چيو ته اڄ رات آيل زلزلي ۾ جاني ۽ مالي نقصان ٿيو آهي ۽ مقامي اختيارين ۽ رهواسي متاثر ماڻهن سان گڏ امدادي سرگرمين ۾ مصروف آهن.هن چيو ته متاثر علائقن ۾ بچاءُ ۽ بحالي جي ڪم ۾ حصو وٺڻ لاءِ مرڪز ۽ ويجهن صوبن مان امدادي ٽيمون موڪليون ويون آهن.