جڳ مشهور پيغام رسائيندڙ ايپليڪيشن واٽس ايپ جلد واهپيدارن جي سولائيءَ لاءِ هڪ نئون شارٽ ڪٽ متعارف ڪرائڻ واري آهي، جنهن ذريعي واٽس ايپ واهپيدارن جي تجربي ۾ بهتري ۽ وقت جي بچت ٿيندي.
پرڏيهي ميڊيا رپورٽس موجب، نئون شارٽ ڪٽ فيچر واٽس ايپ واهپيدارن لاءِ سندن گروپس ۽ ڪانٽيڪٽس جي بهتر انتظام ۾ مددگار ثابت ٿيندو.
واٽس ايپ جي نئين اَپ ڊيٽ ڊائون ڪرڻ کانپوءِ چيٽ انفو اسڪرين ۾ مٿي ٺهيل ايپ بار ۾ بٽڻ طور شامل ٿي ويندي.
نئين شارٽ ڪٽ ذريعي واهپيدار سڌي ريت چيٽ انفو اسڪرين کان مينيو تائين پهچ حاصل ڪندي ڪنهن شخص يا گروپ کي مخصوص فهرست ۾ شامل ڪري سگهندا.
ان کانسواءِ ان اَپ ڊيٽ ذريعي واهپيدار ايپ سيٽنگز ۾ وڃڻ بنا نئين فهرست پڻ ٺاهي سگهي ٿو.
هڪ ڀيرو لسٽ ترتيب ڏيڻ ۽ مخصوص ڪانٽيڪٽس شامل ڪرڻ کانپوءِ، واهپيدار مستقبل ۾ چيٽ اسڪرين جي مٿئين حصي ۾ ئي لاڳاپيل فلٽر کي سليڪٽ ڪري چيٽس کي سولائي سان ڳولي ۽ هٽائي به سگهندا اهڙي طرح صارف جو وقت جي بچت ٿيندي.
واٽس ايپ جي نئين اَپ ڊيٽ تياريءَ جي مرحلي ۾ آهي جيڪا تمام جلد واٽس ايپ تازا ترين بيٽا ورزن تي اينڊرائيڊ 2.24.19.25 اَپ ڊيٽ جو حصو هوندي.