ڪراچي : اربع ڏينهن ڪراچي يونيورسٽي ۾ ٽٽل پاڻي جي پائپ لائن جي مرمت جو ڪم جاري آهي. واٽر ڪارپوريشن جي عملدارن موجب، لائن تي مرمت جو ڪم 24 ڪلاڪن کان جاري آهي ۽ اڄ شام تائين مڪمل ٿي ويندو.واٽر بورڊ جي عملدارن موجب، 84 انچ جي پاڻي جي لائن جي مرمت جو ڪم 4 ڏينهن کان جاري آهي. ڪالهه، واٽر ڪارپوريشن جي سي او او اسد الله خان مرمت جي ڪم جو جائزو ورتو. هن چيو ته پراڻي پاڻي جي لائن جي ڪري، هي لائن بار بار ٽٽي ٿي. اسدالله خان چيو ته مرمت دوران پي آر سي سي لائن جي جاءِ تي ايم ايس پائپ لڳايو پيو وڃي ۽ پائپ کي وڌيڪ مضبوط ڪيو پيو وڃي. هن اميد ظاهر ڪئي ته مرمت جو ڪم ڇنڇر جي شام تائين مڪمل ٿي ويندو، جنهن کان پوءِ پاڻي جي فراهمي معمول تي اچي ويندي. مرمت جي ڪم دوران جمشيد ٽائون، جناح ٽائون، لياقت آباد، ناظم آباد، پاڪ ڪالوني، گوليمار، شير شاهه، اولڊ سٽي ايريا، لانڍي، ڪورنگي ۽ پي اي ايف بيس مسرور ۾ پاڻي جي فراهمي 4 ڏينهن کان مڪمل طور تي معطل آهي، جنهن سبب شهري سخت پريشانين کي منهن ڏئي رهيا آهن. ياد رهي ته اربع ڏينهن ڪراچي يونيورسٽي مان گذرندڙ پاڻي جي پائپ لائن ٽٽي پئي هئي، جنهن سبب ڪراچي يونيورسٽي تلاءَ جو روپ اختيار ڪري رهي هئي.