اسلام آباد: ايشيائي ترقياتي بينڪ پاڪستان جي معيشت جي استحڪام ۽ بحالي بابت هڪ آئوٽ لُڪ رپورٽ جاري ڪئي آهي.ايشيائي ترقياتي بينڪ جي رپورٽ موجب، 2025 ۾ پاڪستان جي معاشي ترقي جي شرح 2.5 سيڪڙو هوندي. معاشي بهتري ۽ سڌارن جو اثر اهم آهي، جڏهن ته آءِ ايم ايف پروگرام ۽ سڌارن جي قدمن پاڪستاني معيشت کي مستحڪم ڪيو آهي.رپورٽ موجب، 2026 ۾ پاڪستان جي معاشي ترقي 3 سيڪڙو تائين پهچڻ جو امڪان آهي، نجي سيڙپڪاري ۾ واڌ سان ترقي جي رفتار کي تيز ڪرڻ جو امڪان آهي.رپورٽ ۾ 2025 ۾ سراسري افراط زر جي شرح 6 سيڪڙو جي اڳڪٿي ڪئي وئي آهي ۽ چيو ويو آهي ته عالمي قيمتن ۾ استحڪام ۽ طلب ۾ گهٽتائي ذريعي افراط زر کي ڪنٽرول ڪرڻ ممڪن آهي.اي ڊي بي جي رپورٽ ۾ چيو ويو آهي ته مالي پاليسي ۾ نرمي معاشي سرگرمي ۾ اضافو ڪيو آهي، ٽيڪس ۽ توانائي جي شعبي ۾ سڌارن معيشت کي سهارو ڏنو آهي، ۽ پائيدار ترقي جي رستي تي رهڻ لاءِ مسلسل سڌارا ضروري آهن.رپورٽ موجب، پاڪستان ۾ مزدور قوت ۾ عورتن جي گهٽ شرڪت ترقي جي راهه ۾ رڪاوٽ آهي. عورتن کي بهتر روزگار جا موقعا فراهم ڪري معيشت کي وڌيڪ مضبوط ڪري سگهجي ٿو،ايشيائي ترقياتي بينڪ جي رپورٽ ۾ چيو ويو آهي ته عالمي قيمتن کي مستحڪم ڪرڻ ۽ طلب کي گهٽائي افراط زر کي ڪنٽرول ڪرڻ ممڪن آهي.