واشنگٽن : مشهور آمريڪي اداڪارا مشيل ٽريچٽنبرگ 39 سالن جي عمر ۾ فوت ٿي وئي آهي.آمريڪي اداڪارا مشيل ٽريچنبرگ مشهور ڊرامن جهڙوڪ بفي دي ويمپائر سليئر ۽ گوسپ گرل ۾ پنهنجي شاندار اداڪاري جي ڪري مشهور هئي. پوليس موجب، اربع تي صبح 8 وڳي نيويارڪ شهر ۾ سندس اپارٽمينٽ مان هڪ ايمرجنسي ڪال ملي، جتي هو بي هوش مليو. پوليس جو چوڻ آهي ته طبي عملي واقعي واري هنڌ تي سندس موت جي تصديق ڪئي، ۽ شروعاتي جاچ ۾ ڪنهن به مجرمانه سرگرمي جو شڪ ناهي، ذريعن موجب، مشيل جو تازو ئي جگر جي ٽرانسپلانٽ ٿيو هو ۽ ٿي سگهي ٿو ته سندس موت قدرتي سببن جي ڪري ٿيو هجي، جڏهن ته، موت جي آخري سبب جو تعين ڪرڻ لاءِ طبي معائنو جاري آهي،ساٿي فنڪارن ۽ دوستن اداڪاره جي اوچتو موت تي گهري ڏک جو اظهار ڪيو آهي. سندس گسپ گرل جي ساٿي اداڪار ايڊ ويسٽ وِڪ انسٽاگرام تي پنهنجن جذبن جو اظهار ڪندي چيو ته اها تمام گهڻي ڏکوئيندڙ خبر آهي.