ميلبورين : ڏکڻ آفريقي ڪپتان اي بي ڊي ويليئرز، جيڪو چار سال اڳ ڪرڪيٽ جي هر قسم مان رٽائر ٿيو هو، ڪرڪيٽ ۾ واپسي جو اعلان ڪيو آهي.اڱاري تي اڳوڻي ڪرڪيٽر اي بي ڊي ويليئرز تصديق ڪئي ته ڪرڪيٽ جا شوقين هڪ ڀيرو ٻيهر کيس ميدان تي ڪرڪيٽ کيڏندي ڏسندا. اي بي ڊي ويليئرز 2018 ۾ بين الاقوامي ڪرڪيٽ تان رٽائر ٿيو، جڏهن ته، هو 2021 تائين فرنچائز ڪرڪيٽ کيڏندو رهيو، پر پوءِ 2021 ۾ ڪرڪيٽ جي هر قسم مان مڪمل طور تي رٽائر ٿيڻ جو فيصلو ڪيو.هن آخري ڀيرو آئي پي ايل ۾ رائل چئلينجرز بنگلور لاءِ هڪ ميچ کيڏيو هو.جڏهن ته، هاڻي اي بي ڊي ويليئرز اعلان ڪيو آهي ته هو هن سال ورلڊ چيمپيئن شپ آف ليجنڊز جي ٻئي ايڊيشن ۾ نه رڳو ڏکڻ آفريقي چيمپيئن جي نمائندگي ڪندو، پر ٽيم جي ڪپتاني جون ذميواريون به سنڀاليندو.ورلڊ چيمپئن شپ آف ليجنڊز هڪ ٽي 20 ٽورنامينٽ آهي جنهن ۾ رٽائرڊ ۽ غير معاهدو ٿيل ڪرڪيٽ ليجنڊز حصو وٺندا آهن.