لاهور : پاڪستان ٽيسٽ اسڪواڊ سڀاڻي ڏکڻ آفريڪا روانو ٿيندو.ذريعن موجب ٽيسٽ اسڪواڊ جا رانديگر دبئي کان لاهور ۽ ڪراچي ۾ گڏ ٿيندا جتان سڀ جوهانسبرگ لاءِ روانا ٿيندا.شان مسعود، سعود شڪيل، خرم شهزاد، مير حمزا، محمد عباس، عامر جمال، حسيب الله ۽ نعمان علي ڏکڻ آفريڪا لاءِ روانا ٿيندا.ريڊ بال فارميٽ ۾ ٽيم جو هيڊ ڪوچ جيسن گلسپي به سڀاڻي ڏکڻ آفريڪا پهچندو جتي ٽيم جي ڪيمپ قائم ڪئي ويندي.پاڪستان ۽ ڏکڻ آفريڪا وچ ۾ پهرين ٽيسٽ ميچ 26 ڊسمبر کان سينچورين ۾ کيڏي ويندي، جڏهن ته سيريز جي ٻي ٽيسٽ ميچ 3 جنوري کان ڪيپ ٽائون ۾ کيڏي ويندي.واضح رهي ته بابر اعظم، محمد رضوان، سلمان آغا ۽ وسيم ايوب ٽنهي فارميٽ ۾ هجڻ سبب ڏکڻ آفريڪا ۾ موجود آهن، جڏهن ته ون ڊي ۽ ٽيسٽ اسڪواڊ ۾ نسيم شاهه، ڪامران غلام ۽ عبدالله شفيق شامل آهن.