سجاول : پاڪستان پيٽروليم لميٽيڊ (پي پي ايل) صوبي سنڌ جي سجاول ضلعي ۾ تيل ۽ گئس جو وڏو ذخيرو دريافت ڪيو آهي. پي پي ايل ترجمان موجب سنڌ جي سجاول ضلعي ۾ تيل ۽ گئس جا ذخيرا رڪارڊ وقت ۾ دريافت ڪيا ويا. پي پي ايل اسٽاڪ ايڪسچينج کي خط لکي آگاهه ڪيو. ترجمان موجب ان کوهه مان روزانو 1.24 ملين معياري ڪيوبڪ فوٽ گئس نڪرندي، ان کوهه مان روزانو 196 بيرل خام تيل به حاصل ڪيو ويندو.دريافت ۾ پي پي ايل جو حصو 63 سيڪڙو ۽ ماري پيٽروليم جو 32 سيڪڙو، سنڌ ۽ وفاقي حڪومت جو به 2.5 سيڪڙو کوهه ۾ حصو آهي.