ڪراچي : سنڌ حڪومت ڪراچي ۾ ڊبل ڊيڪر بسون هلائڻ جو اعلان ڪري ڇڏيو، 50 ڊبل ڊيڪر بسون خريد ڪرڻ جو فيصلو ڪيو ويو آهي. سنڌ جي سينيئر وزير شرجيل انعام ميمڻ جي صدارت ۾ اهم اجلاس ٿيو. اجلاس ۾ پيپلز بس سروس جي لاءِ 50 نيون بسون خريد ڪرڻ جو فيصلو ڪيو ويو آهي. سينيئر وزير شرجيل انعام ميمڻ طرفان ماس ٽرانزٽ اٿارٽي ۽ ٻين لاڳاپيل اختيارين کي بسين جي خريداري لاءِ تياريون تيز ڪرڻ جون هدايتون ڪيون ويون آهن. شرجيل انعام ميمڻ جو چوڻ هو ته اهي ڪراچي ۾ پبلڪ ٽرانسپورٽ کي جديد بڻائڻ لاءِ پرعزم آهن. سندس چوڻ هو ته سنڌ حڪومت جو اهڙو قدم شهرين کي سستي ۽ آرامده سفر فراهم ڪندي شهري ٽرانسپورٽ جي نظام کي گهڻو بهتر بڻائيندو. شرجيل انعام ميمڻ جو چوڻ هو ته عوام جي وڌندڙ ٽرانسپورٽ جي ضرورتن کي پورو ڪرڻ جي لاءِ تيزيءَ سان عملدرآمد کي يقيني بڻايو وڃي. سنڌ جي سينيئر وزير شرجيل انعام ميمڻ طرفان پيپلز بس سروس جي بس اسٽيشنز جو ڪم به جلد کان جلد مڪمل ڪرڻ جو حڪم ڏنو ويو آهي.