اسلام آباد: هلندڙ سال ملڪي تاريخ ۾ پهريون ڀيرو 35 لک کان وڌيڪ انڪم ٽيڪس گوشوارا جمع ڪرايا ويا آهن.پاڪستان جي تاريخ ۾ پهريون ڀيرو سالياني انڪم ٽيڪس گوشوارن جو انگ 3.5 ملين کان وڌي ويو آهي، ٽيڪس ادا ڪندڙ 55 ارب رپين کان وڌيڪ آهن.اهڙو اظهار ان لينڊ روينيو آپريشنز ۽ ٻين ٽيم ميمبرن جي اجلاس ۾ ڪيو ويو جنهن جي صدارت ايف بي آر جي چيئرمين راشد محمود لنگريال سومر ۽ اڱاري جي وچ واري وچ ۾ ڪئي.ناڻي واري وفاقي وزير محمد اورنگزيب موجب ايف بي آر گذريل سال 30 سيپٽمبر تائين 16 لک ٽيڪس گوشوارا وصول ڪيا، اهڙي ريت سال 2024-23 جا ساليانا ٽيڪس گوشوارا گذريل سال جي ڀيٽ ۾ ٻيڻي کان به وڌيڪ جمع ڪرايا ويا آهن.خبرن موجب گذريل ڏينهن ٽيڪس گوشوارا جمع ڪرائڻ جي تاريخ ۾ 14 ڏينهن جي واڌ جو سبب ايف بي آر جي سسٽم ۾ خرابي آهي، جنهن سبب ڪاروباري تنظيمن ۽ عوام کي ٽيڪس گوشوارا جمع ڪرائڻ ۾ ڏکيائين کي منهن ڏيڻو پيو.انهن مسئلن جي حل لاءِ چيئرمين ايف بي آر ناڻي واري وفاقي وزير محمد اورنگزيب سان صلاح مشورا ڪري ٽيڪس گوشوارا جمع ڪرائڻ جي تاريخ ۾ 14 ڏينهن جي واڌ ڪري ڇڏي.