لاهور: پيٽروليم شين جي قيمتن ۾ واڌ خلاف لاهور هاءِ ڪورٽ ۾ گڏيل درخواست داخل ڪئي وئي آهي جنهن ۾ وفاقي حڪومت ۽ اوگرا سميت ٻين کي ڌر بڻايو ويو آهي.
اظهر صديق ايڊووڪيٽ پيٽروليم شين جي قيمتن۾ واڌ خلاف درخواست داخل ڪئي آهي. درخواست ۾ موقف اختيار ڪيو ويو آهي ته سڄي دنيا ۾ پيٽروليم شين جي قيمتن ۾ گهٽتائي اچي رهي آهي.
درخواست ۾ چيو ويو آهي ته پاڪستان ۾ پيٽروليم شين جي قيمتن ۾ وڌيڪ اضافو ڪيو ويو آهي. پيٽروليم شين جون قيمتون مقرر ڪرڻ جو ڪوبه نظام نه آهي. تازي اضافي سان مهانگائي ۾ وڌيڪ اضافو ٿيندو.
درخواست ۾ استدعا ڪئي وئي آهي ته پيٽروليم شين جي قيمتن ۾ واڌ جو فيصلو ڪالعدم قرار ڏنو وڃي.