اسلام آباد جي عدالت ۾ وارنٽ رد ڪرڻ واري درخواست خارج ٿيڻ بعد عمران خان طرفان عدالت ۾ پيش ٿيڻ جو اعلان
لاهور ۾ ڪارڪنن کي خطاب دوران عمران خان چيو آهي ته قانون جي حڪمراني تي يقين رکان ٿو، 18 مارچ تي عدالت ۾ پيش ٿيندس، نواز شريف کي خاطري ڪرائي وئي آهي ته مون کي جيل ۾ وڌو ويندو
لنڊن پلان تحت پوليس ۽ رينجرز وارا مونکي گرفتار ڪرڻ آيا هئا، منهنجي گهر تي ائين حملو ڪيو ويو جو ڄڻ وڏو دهشتگرد هجان، منهنجا ڪارڪن ڪاوڙ ۾ آهن، جڏهن عدالت ۾ پيش ٿيان ٿو ته ڊراما ڇو ڪيا وڃن ٿا
اُن کان اڳ هڪ ٽوئيٽ بيان جاري ڪندي عمران خان چيو ته ملڪ جي ترقي ۽ جمهوريت خاطر ڪنهن سان به ڳالهائڻ لاءِ تيار آهيان، اُن حوالي سان هر قدم کڻڻ لاءِ تيار آهيان