پيٽروليم شين جي اگهن ۾ گهٽتائي بعد ريلويز ۽ پي آءِ اي جي اڏامن جا ڀاڙا به سستا ڪرڻ جو اعلان ڪيو ويو آهي
هوا بازي ۽ ريلوي جي وفاقي وزير خواجه سعد رفيق پنهنجي وڊيو بيان ۾ چيو آهي ته پي آءِ اي جي ڏيهي اُڏامن ۽ ريلوي جي اڪانومي ڪلاس جي ڀاڙن ۾ 10 سيڪڙو گهٽتائي ڪئي پئي وڃي
وفاقي وزير چيو ته ڀاڙن ۾ هڪ مهيني لاءِ گهٽتائي 17 جولاءِ کان لاڳو ٿي ويندي
واضح رهي ته تيل اگهن ۾ غير معمولي اضافي کانپوءِ ريلوي ۽ جهازن جي ڀاڙن ۾ غير معمولي اضافو ڪيو ويو هو