اسلام آباد: وفاقي ڪابينا پاران ملڪ ۾ جاري بجلي جي بدترين لوڊشيڊنگ مان ڇوٽڪارو حاصل ڪرڻ لاءِ اڄ اهم فيصلا متوقع آهن .
وزيراعظم جي صدارت هيٺ وفاقي ڪابينا جو اجلاس اڄ ٿيندو ، جنهن ۾ بجلي جي لوڊشيڊنگ مان نجات حاصل ڪرڻ لاءِ طريقا ڳولهڻ جي ڪوشش ڪئي ويندي .
ذريعن موجب وفاقي ڪابينا مارڪيٽ شام ستين وڳي بند ڪرڻ ۽ ڇنڇر واري موڪل بحال ڪرڻ بابت به ڪوئي فيصلو ڪري سگهي ٿي جڏهن ته ڪابينا اجلاس ۾ لاڳاپيل عملدار بجلي جي لوڊشيڊنگ جو پلان پڻ پيش ڪندا .
ٻئي پاسي وزير دفاع خواجا آصف توانائي بحران تي ضابطو آڻڻ لاءِ هفتي ۾ ٻن موڪلن جي صلاح ڏني آهي . ٽوئيٽر تي جاري پنهنجي بيان ۾ خواجا آصف چيو ته موجوده حالتن ۾ سڄي ملڪ ۾ ڇنڇر ۽ آچر جو ڏهاڙو مڪمل موڪل هجي ۽ جمعي جو اڌ ڏينهن ڪم ٿئي يعني هفتي ۾ ساڍا چار ڏينهن ڪم ٿئي .