اسلام آباد: وزيراعظم عمران خان جي صدارت هيٺ سپريم ڪميٽي جو اجلاس ٿيو جنهن ۾ مڪاني چونڊن تي صلاح مشورا ڪيا ويا.
رپورٽ موجب وزيراعظم عمران خان جي صدارت هيٺ سپريم ڪميٽي جو اجلاس ٿيو جنهن ۾ وڏي وزير عثمان بزدار ۽ محمود خان، سنڌ، پنجاب ۽ خيبرپختونخواهه جي گورنرز، وفاقي وزيرن ۽ سينئر پارٽي اڳواڻن شرڪت ڪئي.
اجلاس ۾ ملڪ جي سياسي ۽ معاشي صورتحال جو جائزو ورتو ويو ۽ پنجاب، خيبرپختونخواهه جي مڪاني چونڊن تي صلاح مشورا ڪيا ويا.
ذريعن موجب پنجاب ۽ ڪي پي ڪي جي سياسي صورتحال تي به غور ڪيو ويو. جڏهن ته پنجاب ۾ تحريڪ انصاف جي انتظامي معاملن تي به بريفنگ ڏني وئي. ان کان علاوه خيبرپختونخواهه جي چونڊ نتيجن بابت رپورٽ جو به جائزو ورتو ويو.