اسلام آباد: وفاقي وزير فواد چوڌري چيو آهي ته شاهد خاقان ۽ محمد زبير جي بيانن سان(ن) ليگ جي اندر جي ورهاست وڌيڪ واضح ٿي وئي آهي. وفاقي وزير فواد چوڌري پنهنجي ٽوئٽ ۾ چيو آهي ته هن خاندانن ملڪ کي تباهه ڪري ڇڏيو آهي.
ن ليگ ۾ هاڻ نئين قيادت سامهون ايندي جيڪا سٺي ڳالهه آهي. پيپلز پارٽي کي به زرداري کان اڳيان نڪرڻ گهرجي. هن چيو ته هن مهيني خيبرپختونخواهه ۽ ايندڙ ڪجهه مهينن ۾ پنجاب ۾ طاقتور مقامي حڪومتن جي چونڊن حڪومت جو اعتماد ظاهر ڪن ٿيون. پيپلز پارٽي ۽ ن ليگ خيبرپختونخواهه ۾ به اميدوار نٿا بيهاري سگهن.
اهائي حالت پنجاب ۾ هوندي صرف هڪ يا ٻه ٽي وي چينلز اوهان جي عملي طور تي مئل سياست کي زنده رکڻ جي ڪوشش ڪري رهيا آهن.