جئي پور: ڀارت پهرين ٽي ٽوئنٽي ميچ ۾ نيوزيلينڊ کي 5 وڪيٽن تان شڪست ڏئي 3 ميچن جي سيريز ۾ 0-1 جي سرسي حاصل ڪري ورتي.
جئي پور ۾ کيڏيل ميچ ۾ ڀارت ٽاس کٽڻ کانپوءِ اڳ ۾ نيوزيلينڊ کي بيٽنگ جي دعوت ڏني ۽ دعوت ملڻ تي پهريان کيڏندي ڪيويز مقرر اوورن ۾ 6 وڪيٽن جي نقصان تي 164 رنسون ٺاهيون.
نيوزيلينڊ طرفان مارٽن گپٽل 70 ۽ مارڪ چيپمين 63 رنسن جي شاندار اننگز کيڏي، ڀارت جي ڀونيشور ۽ ايشون 2-2، جڏهن ته ديپڪ چاهر ۽ محمد سراج هڪ – هڪ وڪيٽ ورتي.
جواب ۾ ڀارت دلچسپ مقابلي کانپوءِ 2 بال اڳ ۾ هدف پورو ڪري ميچ ۾ 5 وڪيٽن تان ڪاميابي ماڻي ورتي.
سوريا ڪمار ياديو 62، ڪپتان روهت شرما 48 رنسن جي بهترين اننگز کيڏي ٽيم جي ڪاميابي ۾ اهم ڪردار ادا ڪيو.