ڪراچي: پاڪستان ٽيلي ڪميونيڪيشن اٿارٽي (پي ٽي اي) ڪراچي ۾ نيٽ ورڪ جي مسئلن جو ذميوار لوڊشيڊنگ کي قرار ڏنو آهي.تفصيل موجب پي ٽي اي شهر ۾ موبائل انٽرنيٽ سروس جي مسئلن کي حل ڪرڻ لاءِ ايڪسپريس فيڊرز تجويز ڪيا آهن، جنهن ۾ ڪراچي ۾ نيٽ ورڪ جي مسئلن جو سبب لوڊشيڊنگ کي قرار ڏنو ويو آهي.پي ٽي اي دستاويز ۾ چيو ويو آهي ته ڪراچي ۾ سروي دوران وائيس ۽ ڊيٽا سروسز بهتر مليون، اهم علائقن ۾ نيٽ ورڪ بند ٿيڻ جو مکيه سبب بجلي جي ڊگهي لوڊشيڊنگ هئي.دستاويزن موجب، نيٽ ورڪ بند ٿيڻ کان متاثر ٿيندڙ علائقن ۾ سينٽرل، اوڀر، ڏکڻ، اولهه ۽ ملير ضلعا شامل آهن.دستاويز موجب، متاثر علائقن ۾ ٽيليڪام انفراسٽرڪچر کي بيڪ اپ پاور سسٽم سان ليس ڪيو ويو آهي جنهن جي سراسري بيٽري بيڪ اپ صرف 2 کان 4 ڪلاڪ آهي.