ڪراچي: چين ملائيشيا، ليبيا، سعودي عرب، يو اي اي ۽ قطر سميت 8 مختلف ملڪن مان وڌيڪ 28 پاڪستانين کي بيدخل ڪري واپس اماڻيو ويو آهي جن مان 2 ڄڻن کي ڪراچي پهچڻ تي گرفتار ڪيو ويو.
ايئرپورٽ ذريعن موجب سعودي عرب ۾ بليڪ لسٽ ٿيڻ تي هڪ ۽ عمري واري ويزا تي وڌيڪ وقت تائين قيام ۽ ٻين سببن تي 5 پاڪستانين کي بيدخل ڪيو ويو
ملائيشيا ۾ پابندي جي باوجود پهچندڙ 10 ڄڻن، پاسپورٽ گم ٿيڻ تي هڪ شهري کي به ڊي پورٽ ڪيو ويو. عمان ۾ خيرات گهرڻ تي سزا کان پوءِ هڪ شهري کي واپس اماڻيو ويو جڏهن ته عمان مان آيل هڪ شهري جو نالو اميگريشن جي اسٽاپ لسٽ ۾ هجڻ سبب انساني اسمگلنگ جي روڪٿام واري سيل جي حوالي ڪيو ويو آهي. ليبيا مان 2 پاڪستانين کي آذربائيجان جي ويزائن ۾ جعلسازي تي ملڪ واپس اماڻيو ويو.