راولپنڊي : اسٽيلينز چيمپئنز ٽي 20 ڪپ جو ٽائيٽل کٽي ورتو.فائنل ۾ مارخور جي ٽيم 200 رنسن جو هدف حاصل ڪرڻ ۾ ناڪام رهي ۽ 5 بالن تي 124 رنسون ٺاهي آئوٽ ٿي وئي.اربع تي پنڊي ڪرڪيٽ اسٽيڊيم ۾ چيمپئنز ٽي 20 ڪپ جي فائنل ۾ اسٽيلينز مارخورس خلاف ٽاس کٽي پهرين بيٽنگ ڪئي.اوپنر ياسر خان 57 بالن تي 7 ڇڪن ۽ 5 چوڪن جي مدد سان شاندار سينچري اسڪور ڪئي، داد خان 22 رنسون ٺاهي ناٽ آئوٽ رهيو، جڏهن ته ڪپتان محمد حارث 21 رنسون ٺاهي ناٽ آئوٽ رهيو.اسٽيلينز جو اسڪور مقرر 20 اوورن ۾ 5 وڪيٽن جي نقصان تي 199 رنسون هو. مارخورس طرفان عاڪف جاويد 2، نواز، عمران جونيئر ۽ فيضان هڪ هڪ وڪيٽ ورتي.200 رنسن جي ٽارگيٽ جي جواب ۾ مارخور جي ٽيم 19.1 اوورن ۾ 124 رنسون ٺاهي آئوٽ ٿي وئي، محمد فيضان 43 رنسون ٺاهي آئوٽ ٿي ويو، ڪپتان افتخار احمد 22 ۽ اوپنر فخر زمان 20 رنسون ٺاهي آئوٽ ٿي ويا.اسٽيلينز طرفان محمد علي 3، جهانداد خان 2 ۽ عثمان طارق 2 وڪيٽون ورتيون.اختتامي تقريب جي خاص مهمان اطلاعات ۽ نشريات واري وفاقي وزير عطا تارڙ رانديگرن ۾ انعام ورهايا.