ممبئي : ڀارت جي اسٽار ڪرڪيٽر ويرات ڪوهلي جي ننڍپڻ جي ڪوچ راج ڪمار شرما دعويٰ ڪئي آهي ته ڪوهلي ۽ انوشڪا جلد ڀارت ڇڏڻ وارا آهن.ڀارتي ميڊيا موجب راجڪمار شرما ميڊيا سان ڳالهائيندي دعويٰ ڪئي ته ويرات ڪوهلي جلد ڀارت ڇڏي پنهنجي زال انوشڪا شرما ۽ ٻارن سان انگلينڊ منتقل ٿي رهيو آهي.واضح رهي ته ويرات ڪوهلي گهڻو وقت انگلينڊ ۾ هوندو آهي، جنهن دوران ڪوهلي ڪرڪيٽ سان گڏ پنهنجي خاندان سان به گهڻو وقت گذاريندو آهي. ڀارتي ميڊيا رپورٽن موجب ويرات ۽ انوشڪا شرما جي لنڊن ۾ به ملڪيت آهي.