اسلام آباد: موسميات کاتي اڄ کان سنڌ سميت ملڪ جي مختلف شهرن ۾ برسات جي اڳڪٿي ڪري ڇڏي آهي.
موسميات کاتي موجب، سنڌ بلوچستان ۽ پنجاب جي مختلف شهرن ۾ ٿڌيون هوائون لڳڻ جو به امڪان آهي جڏهن ته جابلو علائقن ۾ برفباري به پئجي سگهي ٿي.
موسميات کاتي موجب اڄ کان مغربي هوائون ملڪ جي مٿانهين علائقن ۾ داخل ٿينديون جنهن کي نظر ۾ رکندي اڄ کان 9 ڊسمبر جي دوران مري، گليات، اسلام آباد، راولپنڊي، لاهور، ڪراچي، حيدرآباد سميت پنجاب جي مختلف شهرن ۾ برسات جو امڪان آهي.
ٻئي پاسي چترال، دير، سوات، مالاڪنڊ سميت ڪي پي ڪي، گلگت بلتستان ۽ آزاد ڪشمير ۾ به برسات ۽ جابلو علائقن ۾ برفباري جو امڪان ظاهر ڪيو ويو آهي.