دبئي: آءِ سي سي بورڊ گڏجاڻي اڄ شام ٿيڻ جو امڪان آهي، جنهن ۾ شرڪت جي لاءِ پي سي بي چيئرمين محسن نقوي دبئي پهچي ويو آهي.
رپورٽ موجب آءِ سي سي بورڊ گڏجاڻي ۾ چيمپين ٽرافي منعقد ڪرڻ جي حوالي سان وڏي فيصلي جو امڪان آهي، آءِ سي سي چيئرمين جو عهدو سنڀالڻ کان پوءِ جي شاهه جي اعزاز ۾ آجياڻو ڏنو پيو وڃي، جڏهن ته پي سي بي چيئرمين محسن نقوي به اڄ صبح جو سوير ڪراچي کان دبئي روانو ٿي ويو هو.
ذريعن موجب آءِ سي سي بورڊ گڏجاڻي کان اڳ ڪرڪيٽ ڪونسل جي براڊ ڪاسٽرز سان گڏجاڻي به جاري آهي. ذريعن موجب چيئرمين پي سي بي اصولي موقف تي قائم آهي، نئين فارمولي کي رد ڪيو ويو ته پي سي بي سخت قدم کڻي سگهي ٿو جڏهن ته بورڊ تڪرار جي حل لاءِ قانوني آپشن تي غور ٿي رهيو آهي.