واشنگٽن : ريپبلڪن اميدوار ڊونلڊ ٽرمپ چيو آهي ته اسرائيل ۽ لبنان وچ ۾ تڪرار ختم ڪرڻ جو وقت اچي ويو آهي.مشي گن ۾ عرب آمريڪن کي خطاب ڪندي ٽرمپ چيو ته وچ اوڀر ۽ آمريڪا ۾ اهڙا ماڻهو آهن جيڪي پنهنجو ڪم نه ڪري رهيا آهن.ٻئي طرف ڊيموڪريٽڪ صدارتي اميدوار ڪملا هيرس جي چونڊ مهم به جاري آهي. ڪملا جي مهم جي ٽيم چيو ته ڊونلڊ ٽرمپ اليڪشن جي ڏينهن ووٽن جي ڳڻپ کان اڳ فتح جي دعويٰ ڪري سگهي ٿو. ٽيڪساس رياست جي اسيمبلي ميمبر سلمان ڀوجاني اليڪشن ۾ مسلمان ووٽرن کي اپيل ڪندي چيو ته مسلم برادري ”هاريس والز“ جي ٽڪيٽ کي عملي ۽ ڪارائتو انتخاب سمجهي.