مستونگ: مستونگ ۾ بم ڌماڪي جي نتيجي ۾ اسڪولي ٻارڙن سميت 7 ڄڻا مارجي ويا ۽ 17 زخمي ٿي پيا. پوليس موجب، مستونگ جي گرلز هاءِ اسڪول سول اسپتال چوڪ تي موٽر سائيڪل ۾ فٽ ڪيل بم ريموٽ ڪنٽرول سان ڦاڙيو ويو. جنهن جي نتيجي ۾ 17 ڄڻا زخمي ٿي پيا، جن ۾ اڪثريت اسڪول جي ٻارن جي آهي. نازڪ حالت وارن زخمين کي ڪوئٽا منتقل ڪيو ويو آهي. پوليس جو چوڻ آهي ته ڌماڪي ۾ پوليس موبائيل کي نشانو بڻايو ويو پر ڌماڪي جي نتيجي ۾ اسڪول وين پڻ اتان گذري رهي هئي. جنهن جي نتيجي ۾ 3 اسڪولي ٻارڙا ۽ هڪ پوليس اهلڪار موقعي تي ئي فوت ٿي ويا. زخمين مان 3 ڄڻا بعد ۾ فوت ٿيا.