لاهور: پنجاب جي وزيراعليٰ مريم نواز چيو آهي ته اسموگ جي خلاف اسان پنهنجن قدمن تي عمل ڪري وٺون تڏهن به هوا جي رخ هجڻ تي ڀارتي پنجاب مان اسموگ هتي اچي ويندو آهي. جيڪي قدم اسان کڻي رهيا آهيون اهي ڀارتي پنجاب کي به کڻڻ گهرجن ته جيئن ٻنهي جڳهن جا ماڻهو تڪليف کان بچي سگهن اهڙين ڳالهين جو اظهار هن لاهور ۾ تقريب کي خطاب ڪندي چيو.
پنجاب جي وزيراعليٰ مريم نواز لاهور ۾ گرين پنجاب ايپ جو افتتاح ڪري ڇڏيو، ان سان گڏ هن اسموگ هيلپ لائين 1373 جو به افتتاح ڪيو ۽ ليڊرائٽرن شپ پروگرام ۾ شرڪت ڪندڙن ۾ سرٽيڪفٽ ورهايا. هن چيو ته اسموگ سبب ساهه جو مرض وڌي ويندو آهي، اسڪول بند ڪرڻا پئجي ويندا آهن، زندگي جو نظام مفلوج بڻجي ويندو آهي، صرف بٽڻ دٻائڻ سان اسموگ ختم ناهي ٿيندو. مختلف قدم کڻڻا پوندا آهن تڏهن ئي انهي جو خاتمو ٿيندو
پنجاب جي وزيراعليٰ چيو ته اسان لازمي ڪري ڇڏيو آهي ته جيڪي به روڊ ٺهندا انهن جي چوڌاري وڻ لڳايا ويندا جنهن کان پوءِ هنيئر تائين صوبي ۾ 7 مهينن جي دوران 78 لک وڻ لڳايا ويا آهن انهن وڻن سليماني ٽوپي ناهي پاتي، هو جيڪي هڪ ارب وڻ لڳائيندا هئا خبر ناهي انهن جا پئسا ڪهڙن ماڻهن جي کيسن ۾ هليا ويا.
مريم نواز چيو ته اها ته ماحولياتي آلودگي هئي هڪ سياسي آلودگي به آهي جيڪا نظر نٿي اچي پر ملڪ کي تباهه ۽ برباد ڪري ڇڏيندي آهي روز گهيراءُ، احتجاج جون ڳالهيون ٻڌڻ لاءِ ملنديون آهن احتجاج ڪرڻ جي لاءِ انهن کي ڪي پي ڪي مان سرڪاري ماڻهن کي هتي آڻڻو پوندو آهي، اهي به سرڪاري گاڏين ۾.
هن چيو ته اها اسان ڪيتري غلط روايت قائم ڪئي آهي ته ڇنڇر تي احتجاج دوران خيبرپختونخواهه پوليس جا اهلڪار گرفتار ڪيا ويا جيڪي اسلام آباد ۽ پنجاب پوليس تي حملو ڪري رهيا هئا. ڪيترائي پوليس وارا زخمي ٿيا ۽ هڪ شهيد ٿيو. اڃان ايس سي او ڪانفرنس شروع ٿيڻ واري آهي. اسان انهن کي ڪهڙو منهن ڏيکارينداسين ته هڪڙو صوبو ٻئي صوبي تي حملو ڪري رهيو آهي. نه پاڻ ڪم ڪرڻو آهي ۽ نه ٻئي کي ڪرڻ ڏيڻو آهي. پنجاب جي ماڻهن هنن جي احتجاج تي ڌيان نه ڏنو ۽ نه ئي وري شامل ٿيا.