پشاور : سڪيورٽي اختيارين جو چوڻ آهي ته اڳوڻو ڊي جي آءِ ايس آءِ فيض حميد ذميوار عهدي تي ويهي هڪ مخصوص سياسي جماعت کي پروموٽ ڪري رهيو هو.سڪيورٽي اهلڪارن جو چوڻ آهي ته سموريون سياسي پارٽيون پاڪ فوج جو احترام ڪن ٿيون. فوج آئين جي وفادار آهي، ان جي ڪا به سياسي سوچ ناهي.سڪيورٽي اهلڪارن جو چوڻ آهي ته فيض حميد تي سياسي ايجنڊا تي ڪم ڪرڻ جو الزام آهي.فيض حميد جو ڪورٽ مارشل ڪيو پيو وڃي، مودي ڀارتي فوج تي سياست ڪئي ۽ مخالفن خلاف ڪارروائي ڪئي.هٽلر به جرمن فوج کي هڪ سياسي نظريي تحت هلائي رهيو هو ۽ مخالفن خلاف ڪارروائي ڪندو رهيو.ائين ئي پاڪستاني فوج هڪ واردات جي ڪوشش ڪئي وئي سڪيورٽي اهلڪارن موجب فيض حميد ذميوار عهدي تي ويهي هڪ مخصوص سياسي پارٽي کي به پروموٽ ڪري رهيو هو، فوج جا حڪومت ۾ شامل سياسي پارٽين سان غير سياسي لاڳاپا آهن. سڪيورٽي اهلڪارن جو چوڻ آهي ته افغانستان ۾ هڪ درجن کان وڌيڪ دهشتگرد تنظيمون موجود آهن. دهشتگرد افغانستان مان حملا ڪري رهيا آهن.فتنا خوارج سان ڳالهيون نه ٿينديون، ماضي ۾ به هڪ سياسي پارٽي فسادين سان ڳالهه ڪئي، هاڻي به اها ئي ڳالهه ڪئي پئي وڃي.گذريل ڳالهين جي تجربي مان معلوم ٿيو ته فتني الخوارج سان ڳالهين جو ڪو به فائدو نه آهي.سڪيورٽي اهلڪارن موجب دهشتگردن کي افغانستان ۾ تربيت ڏني پئي وڃي.افغانستان ۾ عبوري حڪومت سان دهشتگردن کي منهن ڏيڻ لاءِ ڳالهيون جاري آهن. دهشتگردن خلاف روزانو 100 کان وڌيڪ انٽيليجنس بيسڊ آپريشن ڪيا پيا وڃن، دهشتگردي خلاف جنگ هر صورت ۾ کٽي ويندي.سڪيورٽي اهلڪارن جو چوڻ آهي ته لڪي مروت ۾ ڏوهاري ٽولا ڪم ڪري رهيا آهن. جڏهن اهي ڏوهاري ٽولن خلاف ڪارروائي ڪن ٿا ته اهي مظاهرا ڪن ٿا، لڪي مروت ۾ پاڪ فوج صوبائي حڪومت جي درخواست تي ذميواريون سنڀالي رهي آهي.جڏهن ته صوبائي حڪومت چيو ته لڪي مروت مان فوج واپس گهرائي ويندي. خيبرپختونخواهه جي ڏاکڻي ضلعن ۾ جلد امن بحال ڪيو ويندو. سڪيورٽي اهلڪارن جو چوڻ آهي ته دهشتگردن کي گرفتار ڪيو پيو وڃي. عدالتون ان کي ثبوتن جي کوٽ قرار ڏيندي رد ڪنديون آهن، دهشتگردي جي خاتمي لاءِ فوجداري انصاف واري نظام کي قانون جي مناسب نفاذ کي يقيني بڻائڻو پوندو.