اسلام آباد: سينيٽ ۾ جادو کي روڪڻ بابت بابت فوجداري قانون ۾ ترميم جو بل پيش ڪيو ويو آهي.
سينيٽر ثمينه ممتاز طرفان پيش ڪيل بل ۾ چيو ويو آهي ته جادو ڪرڻ يا ان جي مشهوري ڪندڙ شخص کي 6 مهينن کان 7 سالن تائين قيد ۽ 10 لک روپين تائين ڏنڊ هوندو ۽ اهو ڏوهه ضمانت نه ٿيڻ جوڳو هوندو.
هوڏانهن ثمينه ممتاز صدر، وزيراعظم سميت پبلڪ آفيس رکندڙن جي گهٽ ۾ گهٽ تعليم گريجوئيشن هجڻ جو آئيني ترميمي بل به ايوان ۾ پيش ڪيو.
بل ۾ چيو ويو آهي ته ملڪ جي صدر ۽ وزيراعظم جي تعليمي قابليت گهٽ ۾ گهٽ گريجوئيشن هجي. گورنر، وڏو وزير، چيئرمين ۽ ڊپٽي چيئرمين سينيٽ، اسپيڪر ۽ ڊپٽي اسپيڪر گريجوئيٽ هجن.