اسلام آباد: اٽارني جنرل آف پاڪستان گم ٿيل ماڻهن جي ڪيس ۾ عدالت کي سمورن ماڻهن جي واپسي جو يقين ڏياريو آهي.اسلام آباد هاءِ ڪورٽ جي جسٽس محسن اختر ڪياني گم ٿيل ماڻهن بابت ڪيس جي ٻڌڻي لاءِ 4 صفحن تي ٻڌل لکت وارو حڪم جاري ڪيو، جنهن ۾ اٽارني جنرل پاران گم ٿيل ماڻهن جي بازيابي لاءِ ڏنل ضمانت کي به حڪم جو حصو بڻايو ويو آهي،عدالتي حڪم موجب اٽارني جنرل رمارڪس ۾ چيو ته جيڪو به گم ٿي ويندو هو پنهنجي خاندان وٽ ضرور ايندو. عدالتي حڪم ۾ چيو ويو آهي ته اٽارني جنرل رياست ۽ قانون لاڳو ڪندڙ ادارن طرفان عدالت کي يقين ڏياريو آهي ته جبري گمشدگين بابت وزارتي ڪميٽي سفارشون تيار ڪري ورتيون آهن.ڪابينا کان منظوري کانپوءِ سفارشون عدالت ۾ پيش ڪيون وينديون.عدالتي حڪم موجب ڊي جي آءِ بي اٽارني جنرل ذريعي گم ٿيل ماڻهن بابت ڳجهن ادارن جي ڊي جيز تي ٻڌل ڪميٽي جوڙي، جيڪا منظور ڪئي وئي. ڪميٽي ۾ ايف آءِ اي ۽ سي ٽي ڊي کي به شامل ڪري سگهجي ٿو، آءِ ايس آءِ، ايم آءِ، آءِ بي پنهنجي ٻئي اعليٰ سطحي آفيسرن کي ڪميٽي جو ميمبر بڻائي سگهن ٿا جڏهن ته ڪميٽي ۾ ايف آءِ اي ۽ سي ٽي ڊي جا آفيسر به شامل ٿي سگهن ٿا. حڪم ۾ وڌيڪ چيو ويو آهي ته اٽارني جنرل موجب گم ٿيل ماڻهن جو معاملو سياسي حل جي ضرورت آهي. درخواستگذار جي وڪيل ايمان مزاري اٽارني جنرل کي 3 گم ٿيل شاگردن جي لسٽ ڏني، عدالت ايندڙ ٻڌڻي تي 3 گم ٿيل شاگردن بابت آگاهه ڪرڻ جي اميد رکي.هاءِ ڪورٽ جي حڪم ۾ چيو ويو آهي ته اٽارني جنرل يقين ڏياريو آهي ته گم ٿيل ماڻهن جي معاملي جي مستقل حل لاءِ اعليٰ سطح تي ڳالهه ٻولهه ڪئي وئي آهي.