شهيد بينظير ڀٽو جي اڄ 16 هين ورسي ملهائي پئي وڃي، اسلامي دنيا جي پهرين عورت وزيراعظم جو اعزاز ماڻيندڙ بينظير ڀٽو ضياءُ الحق ۽ پرويز مشرف جي آمريتن سان مهاڏو اٽڪايو
جمهوريت جي بحالي واري جاکوڙ دوران سندس والد ۽ ٻن ڀائرن به شهادت ماڻي، شهيد راڻي بينظير ڀٽو کي 27 ڊسمبر 2007ع تي راولپنڊي جي لياقت باغ ۾ جلسي دوران شهيد ڪيو ويو
شهيد راڻي جي سورهين ورسي جي موقعي تي ڳڙهي خدابخش ڀٽو سميت مختلف شهرن ۾ قران خواني جيالن پاران رت جا ڏيئا ٻاري شهيد راڻي کي ڀيٽا پيش پيش ڪئي پئي وڃي
شهيد والده جي ورسيءَ تي پنهنجي پيغام ۾ بلاول ڀٽو زرداري چيو آهي ته شهيد بينظير ڀٽو جي قتل ذريعي پاڪستان جي ترقي کي تباهه ڪيو ويو
هن چيو ته شهيد بينظير سدائين عام ماڻهن ۽ پٺتي پيل طبقن جو آواز بڻجي حقيقي نمائندگي ڪئي، عام چونڊن ۾ پيپلز پارٽي جو منشور شهيد ذوالفقار ۽ شهيد بينظير ڀٽو جي مشن جو عڪس هوندو
- TA