اسلام آباد: وزير اعظم عمران خان چيو آهي ته ملڪ ۾ ڪورونا ڪيسز هيٺ ايندي ايندي مٿي ٿيڻ شروع ٿيا آهن، خطرو آهي ته چوٿين لهر به اچي سگهي ٿي. اسلام آباد ۾ ڪورونا لاءِ نيشنل ڪوآرڊينيشن ڪميٽي جي اجلاس کانپوءِ وزيراعظم عمران خان ڪورونا وائرس جي صورتحال تي تبصرو ڪندي چيو ته ڪورونا باوجود الله تعاليٰ اسان تي خاص رحم ڪيو ، هن وقت ڪورونا جي ڀارتي قسم قسم جي ڪري صورتحال خراب آهي. ’انڊين ويريئنٽ‘ هن وقت ڪورونا ۾ هڪ وڏو مسئلو بڻجي چڪو آهي، وائرس مسلسل پنهنجي شڪل بدلائي رهيو آهي ، ڪورونا جا ڪيس ملڪ ۾ وڌي رهيا آهن. وزيراعظم چيو ته ملڪ ۾ ڪورونا ڪيسز جو تعداد وري وڌڻ شروع ٿيو آهي، دنيا ۾ ماڻهو ڪورونا ايس او پيز جي پيروي ڪندي ٿڪجي پيا آهن. هن قوم کي اپيل ڪئي ته ماسڪ استعمال ڪريو ، غريب لاڪ ڊائون کان تمام گهڻو متاثر ٿيا آهن ، ماسڪ کي استعمال ڪرڻ تمام ضروري آهي ، عيد تي به ماسڪ استعمال ڪريو ، جيڪڏهن اسان واقعي محتاط آهيون ته بچي سگهون ٿا. جيڪڏهن اسان احتياط نه ڪيو ته لاڪ ڊائون کي ٻيهر لاڳو ڪرڻو پوندو ، هر شي کي بند ڪرڻو پوندو ، تنهنڪري قوم ۽ معيشت جي لاءِ ، ماڻهن کي ماسڪ استعمال ڪرڻ گهرجن.